Salmos 15 - Tayta Diosninchi Isquirbichishan

Dios munashanno cawaj runa imano cashanpis

David isquirbishan alabansa.

¹ Tayta Dios, ¿piraj wasiquiman yaycamunman? ¿Piraj chayanman rispitädu jircayquiman chaycho adurashunayquipaj?

² Chayangapäga juchaynajcunallami, alli cajta rurajcunallami, rasun cajta rimajllami,

³ pipa washantapis mana rimajllami, runa-masin mana alliman chayananta mana ashej cajllami, bisïnuncunata imatapis mana nejllami,

⁴ juchasapacunapita witicojllami, Tayta Diosta rispitajcunata rispitajllami, aunishantaga imanöpapis cumlejllami,

⁵ guellayta ristaycurpis wawanta aypallanpa mana mañajcunallami, juchaynajta jitapar castigananpaj pägaptinpis mana chasquejcunallami. Chayno alli cawajcunallami Tayta Diospa ñaupanman chayanga.