Salmos 145 - Tayta Diosninchi Isquirbichishan

Llapan runapis Tayta Diosta alabachun Álef

David isquirbishan alabansa.
Álef

¹ Gam fiyupa munayniyoj Raynë cashayquitami willacushaj Tayta Dios. Imaycamapis alabaycäshayquimi.

Bet

Bet

² Waran waranmi alabashayqui. Imaycamapis alabaycäshayquimi.

Guímel

Guímel

³ Tayta Diosga fiyupa munayniyojmi. Chaymi alabananchi camacan. Pay munayniyoj cashanga tantiyaytapis mana atipaypämi.

Dálet

Dálet

⁴ Tayta Dios gam rurashayquicunapämi taytancunapis wamrancunata willapanga. Munayniquiwan rurashayquicunatapis willaconga.

He

He

⁵ Munayniyoj achicyaypa achicyaj cashayquita willaconga. Nogapis willacushaj fiyupa almiraypajcunata rurashayquicunata.

Vav

Vav

⁶ Munayniyoj cashpayqui fiyupa manchariypajcunata rurashayquicunatami parlanga. Noganami willacushaj munayniyoj cashayquita.

Zayin

Zayin

⁷ Fiyupa alli cashayquitami parlanga. Allita rurashayquipitanami cushicur cantanga.

Jet

Jet

⁸ Tayta Diosga fiyupa alli, cuyapäcojmi. Payga juclla manami rabyacunchu. Payga fiyupa cuyacojmi.

Tet

Tet

⁹ Tayta Diosga pï-maypäpis allimi. Ima rurashancunatapis cuyarmi rican.

Yod

Yod

¹⁰ Tayta Dios, llapan rurashayquicuna alabaycushunqui. Wiyacushojcuna aduraycushunqui ari.

Caf

Caf

¹¹ Paycunaga sumaj mandashayquipämi parlanga. Munayniyoj cashpayqui rurashayquicunatapis willaconga.

Lámed

Lámed

¹² Munayniyoj cashayquita, fiyupa achicyaypa-achicyaycaj munayniqui cashantapis runacunata musyachenga.

Mem

Mem

¹³ Gam mandashayquega mana ushacajmi. Mandashayquega imaycamapis maquillayquichömi canga.

Sámej

Sámej

¹⁴ Tayta Diosga tunejcunata charinmi. Ñacaycajcunatanami alliman churan.

Ayin

Ayin

¹⁵ Tayta Dios, llapanpis gamtami shuyarpaycäshunqui yargashan öra micuyta tarichinayquipaj.

Pe

Pe

¹⁶ Chaura gamga alli cashpayquimi sacsananyaj tarichinqui llapan cawajcunata.

Tsade

Tsade

¹⁷ Tayta Diosga llapan aunishantapis cumlinmi. Llapan rurashancunatapis cuyapanmi.

Qof

Qof

¹⁸ Tayta Diosga llapan shongunpa mañacojcunata yanapanmi.

Resh

Resh

¹⁹ Payta rispitajcuna imatapis mañacushantaga llapantami camacächin. Mañacuptin imapitapis salbanmi.

Shin

Shin

²⁰ Tayta Dios imapitapis chapanmi payta rispitajcunataga. Fiyu runacunatami ichanga usharin.

Tav

Tav

²¹ Nogaga Tayta Diosllatami alabashaj. Juchaynaj Tayta Diosta llapan adurachun cananpis imaycamapis.