Salmos 130 - Tayta Diosninchi Isquirbichishan

Tayta Diosman yäracushan

Jerusalenman aywar cantashan alabansa.

¹ Tayta Dios, may-may ruripitami gayacaycämö.

² Tayta Dios, mañacaycämushätaga wiyaycamay ari. Ruwacaycämushätaga sumaj wiyaycamay.

³ Tayta Dios, juchäcunata llapanta yarparaptiquega ¿piräshi ñaupayquimanpis chayamunman?

⁴ Gam ichanga imapitapis perdunacojmi canqui. Chaymi llapan rispitashunqui.

⁵ Llapan almäpami Tayta Diosman yäracö. Paypa palabranmanmi yäracö.

⁶ Nogaga ricaj ricajllami Tayta Diosta shuyaraycä. Täpapacojcuna pacha waränanta shuyarajpita masrämi shuyaraycä.

⁷ Israelcuna gamcunapis Tayta Diosta shuyaray. Payllami cuyamanchi, mana allicunapitapis jorgamanchi.

⁸ Israeltaga Tayta Diosmi llapan juchancunapita perdunar salbanga.