Salmos 13 - Tayta Diosninchi Isquirbichishan

Ñacaycashan öra yanapänanpaj mañacushan

David llaquicur isquirbishan.

¹ Tayta Dios, ¿imaycamaraj mana yarpämanquichu? ¿Para-simrinachuraj gongaycamanqui? ¿Imaycamaraj nogapita pacaräcunqui?

² ¿Imaycamaraj almäwan shongöpis llaquicuyllacho canga? ¿Imaycamaraj chiquimajcunapa munaynincho caycäshaj?

³ Tayta Dios, ¡yanapaycamay ari! ¡Achicyayniquita ricaycänäpaj yanapaycamay! ¡Wañunätaga ama munaycuychu ñawëcunapis ñipitacäcunantaga!

⁴ Chayrämi chiquimajcunaga mana nengachu «binsishcämi» nir. Noga mana alliman chayaptëpis manami cushicongachu.

⁵ Cuyacoj captiquimi gamman yäracamö. Shongöpis fiyupami cushicun salbamashayquipitaga.

⁶ ¡Alli ricamashanpitami Tayta Diosta alabashaj!