Salmos 128 - Tayta Diosninchi Isquirbichishan

Tayta Diosta rispitajcuna cushicushan

Jerusalenman aywar cantashan alabansa.

¹ Cushishami cawanga Tayta Diosta rispitajcunaga, payta wiyacojcunaga.

² Arushayquitaga micunquipämi. Cushisha allimi goyanquipäpis.

³ Warmiquipis wasiquichöga cangapaj fiyupa wayuraycaj übasnörämi. Wamrayquicunanami läduyquicho carcaycangapaj olivo yöra chillguiraycajnöraj.

⁴ Chaynömi Tayta Dios bindisyunta gonga rispitajcunataga.

⁵ Sión lömapita-pacha Tayta Dios bindisyunta goycushunqui. Cawashayquiyäga ricay Jerusalén alli caycajllata.

⁶ Willcayquitapis ricanayquicamarämi cawanqui. ¡Israelchöga alli goyay caycullächun!