Salmos 127 - Tayta Diosninchi Isquirbichishan

Llapanpis Tayta Diosllapita chayamushan

Jerusalenman aywar cantashan alabansa. Salomón isquirbishan.

¹ Tayta Dios wasita mana jatarachiptenga yangami wasi arojcuna arushanpis. Siudäta Tayta Dios mana täpaptenga yangami täpajcuna täpashanpis.

² Yangami pacha warashanpita pacha chacänancamapis micunallanpaj arun. Tayta Diosmi ichanga payman yäracojta alli puñuyta tarichin.

³ Wamranchïcunaga yurin Tayta Diosninchi alli bindisyunta gomaptinchïmi.

⁴ Mösu caycashallaraj wamranchi yurejcunaga caycan jinyu suldärupa lëchancunanömi.

⁵ Chayno achca wamrayoj runaga canga cushishami. Chauraga chiquejcunapis manami pengacachengachu autoridäcunaman chayaptin.