Salmos 124 - Tayta Diosninchi Isquirbichishan

Tayta Dios Israelcunapa salbajnin cashan

Jerusalenman aywar cantashan alabansa. David isquirbishan.

¹ Tayta Dios mana yanapämaptinchëga ¿imanöraj cashwan caran? Israelcuna mä rimarcäriy:

^2-3 Tayta Dios mana yanapämaptinchëga chiquimajninchïcuna fiyupa rabyashpan cawaycajllata micucarcamashwan caran.

⁴ Noganchïtaga usharamashwan caran mayu chayar ima-aycatapis apacojnömi.

⁵ Usharamashwan caran chayasha mayu cuchpayllapa aywar apacojnömi.

⁶ Tayta Diosta alabashun, fiyu runacuna shamur quiruncunawan rachir-ushamänanchïpaj caycajpita chapämashanchïpita.

⁷ Runa charinanpita äbi gueshpejnömi curalaraycämaptinchi gueshpishcanchi.

⁸ Cay pachatapis janaj pachatapis ruraj Tayta Diosmi gueshpinanchïpaj yanapämashcanchi.