Salmos 121 - Tayta Diosninchi Isquirbichishan

Tayta Dios imapitapis chapäcoj cashan

Jerusalenman aywar cantashan alabansa.

¹ Puntacunata ricarmi yarpachacö: «¿Tagaypitachuraj shamonga yanapämänanpaj?» nir.

² Manami, Tayta Diosllami yanapämangaga. Paymi camasha syëlutapis, cay pachatapis.

³ Tayta Diosga manami camacächengachu mana alliman chayanayquita. Täpaycäshöga manami imaypis puñucangachu.

⁴ Payga manami imaypis ñipiycunchu. Israelta täpaycäga manami imaypis puñucanchu.

⁵ Tayta Diosmi ricaycäshunqui. Tayta Diosmi imapitapis chapaycäshunqui. Payga ñaupayquichömi caycan yanapäshunayquipaj.

⁶ Junajpa intipis manami imanäshunquipächu. Chacaypa quillapis manami imanäshunquipäpischu.

⁷ Tayta Diosmi mana alliman chayanayquipita chapäshunqui. Paymi wañuypitapis salbashunqui.

⁸ Maypa aywaptiquipis Tayta Diosmi ricaycäshunqui cananpis imaypis.