Salmos 114 - Tayta Diosninchi Isquirbichishan

Egiptupita llojshicamushanta yarpashan

¹ Jacobpita mirajcunaga Egiptupita llojshicamuran. Paycunaga juc-lä nasyunpita aywacamuran.

² Chaypitana Judá partiga ricacuran Tayta Diosta rispitana parti. Israel nasyunna pay mandashan ricacuran.

³ Lamarpis raquicaran. Jordán mayupis aywaycashanpita ichicuycuran.

⁴ Puntacunapis jircacunapis pinticacharan mallwa uyshacunano.

⁵ Lamar ¿imataj casha? ¿Imanirtaj chaynöga raquicäcushcanqui? Jordán mayu ¿imataj casha? ¿Imanirtaj chaynöga ichicuycushcanqui?

⁶ Puntacuna, jircacuna ¿imataj casha? ¿Imanirtaj sicsicyashcanqui uyshacunano, uysha-mallwacunano?

⁷ Chaynöga casha Tayta Diosta manchacurmi. Jacobpa Tayta Diosninpa ñaupanchöga chucchuy ari cay pacha.

⁸ Tayta Diosmi jatusaj gagacunatapis gochaman ticrarachiran. Paymi tacsha gagacunatapis pucyuman ticrarachiran.