Salmos 112 - Tayta Diosninchi Isquirbichishan

Alli runa imano cashanpis

¹ ¡Aleluya! ¡Tayta Diosga alabasha cachun! Cushishami cawanga Tayta Diosta rispitaj cäga, mandamintuncunata cumlej cajpis.

Álef Bet Guímel

Guímel

² Alli runapita mirajcunami cay pachachöga munayniyoj canga. Alli runacunapita mirajcunaga bindisyuntami chasquenga.

Dálet He

He

³ Wasincho ima-aycancunapis manami pishengachu. Pï-maypäpis allimi canga.

Vav Zayin

Zayin

⁴ Alli runacunapäga chacajcho caycaptinmi achqui yurircusha. Tayta Diosga alli shongumi, cuyapäcojmi, allillata rurajmi.

Jet Tet

Tet

⁵ Alli runaga pitapis macyaycunmi. «Ristamay» niptinpis ristaycunmi. Nigusyutapis mana engañaypami arun.

Yod Caf

Caf

⁶ Chaynöpami mana alliman mana chayanchu. Alli runataga imaypis yarparaycangami.

Lámed Mem

Mem

⁷ Mana alli willapacunata wiyarpis manami manchacunchu. Alli runaga mana cachaypami Tayta Diosllaman yäracuycan.

Nun Sámej

Sámej

⁸ Manami imapitapis yarpachacunchu, ni manchacunpischu. Payta chiquejcuna mana alliman chayajtapis ricangarämi.

Ayin Pe

Pe

⁹ Pobricunata yanaparga achca achcami imatapis goycun. Pï-maypäpis allimi canga. Pï-maypitapis rispitashami goyanga.

Tsade Qof Resh

Resh

¹⁰ Chayta ricar fiyu runaga fiyupa rabyarmi chiquicurcun. Rabyawan quiruncunatapis uchongarämi. Fiyu runacuna yarpashanga manami camacangachu.