إنجيل مرقس 10 - Qatifi New Arabic Version / الترجمة العربية القطيفية الجديدةالطلاق 1 و بعدين طلع من ديك المنطقة و راح إلى نواحي منطقة اليهودية و ما بعد نهر الأردن. و أجتمعوا عنده جماعة مرة ثانية و قام يعلمهم كعادته. 2 وجوه بعض الفريسيين وسألوه عشان يختبروه : « يجوز للرجَّال يطلّق زوجته؟» 3 و رد عليهم بسؤال وسألهم: 4 «بويش وصاكم موسى؟» و قالوا: «موسى سمح أن تنكتب وثيقة الطلاق و بعدين تطلق الزوجة» 5 و قال ليهم يسوع: «بسبب قساوة قلوبكم كتب ليكم موسى هدي الوصية. 6 و لكن من بداية الخلق الله جعل الإنسان دكر وأنثى. 7 عشان چدي يترك الرجال أبوه و أمه ويتحد ويا زوجته، 8 ويصيروا الإثنين جسد واحد. و ما يصيروا بعدها جسدين لكن جسد واحد. 9 و إلا جمعه الله ما يفرقه إنسان». 10 و في البيت، رجع له تلاميده وسألوه عن نفس الموضوع. 11 و قال ليهم: «أي واحد يطلّق زوجته ويتزوج وحدة ثانية، فهو قاعد يزني بها. 12 و إدا طلقت الزوجة زوجها وتزوجت واحد ثاني، فهي قاعدة تزني!» يسوع والأطفال 13 والناس جابو له جهال عشان يحط ايده عليهم ويباركهم. واهزئوهم التلاميد. 14 و لما شاف يسوع إلا صار، عصب و قال ليهم: «خلوا الجهال يجوا ليي، ولا تمنعونهم، لأن ملكوت الله إلى الناس إلا زيهم! 15 بأمانة أقول ليكم: إلا ما يقبل ملكوت الله و كأنه طفل صغير، فما بيدخله أبدا!» 16 و بعدين ضم الجهال في حضنه و وحط إيده عليهم وباركهم. الشاب الغني 17 و لما كان طالع في الطريق، جا له رجال يركض وسجد له و قام يسأله: «يا المعلم الصالح، وش أسوي عشان أورث الحياة الأبدية؟» 18 و يسوع قال له: «ليش تناديني الصالح؟ ما في أحد صالح إلا واحد، و هو الله. 19 أنت تعرف الوصايا: لا تقتل، لا تزني، لا تبوق، ولا تشهد الزور، و لا تظلم، أكرم أبوك وأمك!» 20 و رد عليه و قال: « هدي الأشياء كلها سويتها من يوم و أنا صغير» 21 وتالي طلع فيه يسوع بمحبه و قال له : « ينقصك شي واحد : روح، بيع كل إلا عندك، ووزعه على الفقرا، وبيكون لك كنز في السما، و بعدين تعال صير من أتباعي». 22 الرجال مشى و هو حزين و مكتئب مره من لما سمع كلام يسوع، لأنه كان صاحب ثروة كبيرة. 23 و قام طلع يسوع حواليه و قال لتلاميده: «وش صعابة دخول الأغنياء لملكوت الله!» 24 و أستغربوا التلاميد من هالكلام. ورجع يسوع و قال ليهم: «يا وأولادي، ما تعرفوا وش صعابة الدخول إلى ملكوت الله! 25 سهل على الجمل من إنه يدخل في خرق إبرة، من إن الغني يدخل ملكوت الله». 26 وأستغربوا مرة، و قالوا لبعض: «عجل منهو إلا يقدر ينجو؟» 27 و قال ليهم يسوع و هو يطالع فيهم: «هدا الشي مستحيل عند الناس، و لكن مو مستحيل عند الله. و كل شي مقدور عليه عند الله!» 28 و قام بطرس يقول له: «هدانا أحنا تركنا كل شي وتبعناك.» 29 و قال ليهم يسوع: «بأمانة أقول ليكم: أي واحد بسببي أو بسبب الإنجيل يتخلى عن بيت أو أخوه أو خوات أو أم أوأبو أو أولاد أو مزرعه، 30 بيحصل من عندي بدالها مية مرة ضعف بيوت و أُخوه وخوات وأمهات وأولاد ومزارع ويا إضطهادات، و في الزمان الجاي بتكون ليهم الحياة الأبدية. 31 و في ناس واجد في المقدمة بيصيروا في الأخير، وناس في الأخير بيصيروا في المقدمة!» يسوع يتنبأ مرة ثالثة بموته 32 ومره كانوا في الطريق رايحين مدينة أورشليم، ويسوع متقدمنهم، وكانوا التلاميد مستغربين و إلا يتبعوه خايفين. وأنفرد بالتلاميد الإطنعشر، مرة ثانية، و قام يقول ليهم وش بيصير له، و قال: 33 «هدا أحنا الحين راحين مدينة أورشليم، و بيسملوا إبن الإنسان إلى رؤساء الكهنة و إلى الكتبة، وبيحكموا عليه بالموت، وبيسلموه إلى إيد الشعوب، 34 و بيسخروا منه، وبيتفلوا في وجهه، وبيجلدوه، وبيقتلوه. و في اليوم الثالث بيقوم!» طلب يعقوب ويوحنا 35 ووقتها جا له يعقوب ويوحنا أولاد زبدي، و قالوا له: «يا معلم، نمباك تسوي لينا إلا نطلبه منك». 36 و قام سألهم: «وش تبغوني أسوي ليكم؟» 37 و قالوا له: «أوهبنا فرصة نقعد في مجدك: واحد عن يمينك، والثاني عن يسارك!» 38 و قال ليهم يسوع: «أنتون ما تدروا وش قاعدين تطلبوا: تقدروا تشربوا الكاس إلا أنا بشربه؟ و المعمودية إلا أنا بتعمد بها؟ يعني بتقدروا تغوصوا في الآلام إلا باغوص فيها؟» 39 و قالوا له: «إي أحنا نقدر!» و قال ليهم يسوع: «الكاس إلا بشربه بتشربوا منه، والمعمودية إلا بتعمدها بتتعمدوا زيها، وآلام المعمودية إلا بأغوص فيها بتغوصوا فيها. 40 وليكم القعدة عن يميني و عن يساري، أنا ما أقدر أعطي هالمكانه لأحد إلا للي أنكتب ليهم هالشي». 41 يوم سمعوا بقية التلاميد العشرة هالكلام، تضايقوا من يعقوب ويوحنا. 42 لكن يسوع عيط عليهم و قال ليهم: «أنتون تدروا إن إلا يصيروا حكام على الشعوب يتحكموا فيهم، وكباريتهم يتسلطوا عليهم. 43 لكن أنتون المفروض ما يصير هالشي بينكم، و إلا يمبى يصير عظيم بينكم، لازم يكون خادم ليكم، 44 و إلا يمبى يصير في المقدمة فيكم، لازم يكون خادم للجميع. 45 و حتى إبن الإنسان جا مو عشان ينخدم، لكن جا عشان يخدم الكل ويضحي بنفسه فدية عن ناس واجد.» تشافي برتيماوس الأعمى 46 و بعدين وصلوا منطقة أريحا. و لما كان طالع من أريحا، ويا تلاميده وياه جماعة كبيرة، كان بارتيماوس الأعمى ـ ولد تيماوس، قاعد على جنب في الطريق يطر. 47 و لما سمع إن هدا هو يسوع الناصري، قام يصرخ ويقول: «يا يسوع يا بن داوُد، أرحمني!» 48 وأنتهروه ناس واجد عشان يسكت، ولكنه قام يصرخ أكثر ويقول: «يا بن داوُد، أرحمني». 49 و قام وقف يسوع و قال: «عيطوا عليه!» ونادوا الأعمى و قالوا له: «أستانس وقوم! يسوع يمباك!» 50 و قام بسرعة و رمى رداه و راح ليسوع. 51 وسأله يسوع: «وش تبغاني أسوي لك؟» و رد عليه الأعمى و قال: «يا معلمي، أمبى أشوف!» 52 و قال له يسوع: «روح! إيمانك شفاك». و على طول صار يشوف، و لحق يسوع في الطريق. |
Qatifi New Arabic Version © 2024 Strategic Resource Group
Strategic Resource Group