إنجيل مرقس 1 - Qatifi New Arabic Version / الترجمة العربية القطيفية الجديدةيوحنا المعمدان يجهز الطريق 1 هدي هي بداية إنجيل يسوع المسيح إبن الله: 2 زي ما أنكتب في كتاب النبي إشعياء: «هدانا أرسل قدامك ملاكي إلا يجهز لك الطريق؛ 3 صوت ينادي في البرية: جهزوا طريق الرب، وخلوا طُرقة مُستقيمة!» 4 و يوحنا إلا يعمد جا في البر ينادي بمعمودية التوبة من الخطايا. 5 وطلعوا له أهل منطقة اليهودية وأهل أورشليم كلهم، وكانوا يتعمدوا على إيده في نهر الأردن ويعترفوا بخطاياهم. 6 و كان يوحنا يلبس ثوب من وبر الجمال، ويلف خصره بحزام من جلد، وياكل الجراد والعسل البري. 7 و كان يعلمهم ويقول: «بيجي بعدي إلا هو اعظم مني، و أنا ما استاهل حتى اني أنحني حق أفك ربطه نعالة 8 أنا عمدتكم بالماي؛ لكن هو بيعمدكم بالروح القدس». معمودية يسوع واختبار الشيطان له 9 في ديك الأيام جا يسوع من الناصرة في منطقة الجليل، وتعمد في نهر الأردن على إيد يوحنا. 10 وبس قام من الماي، شاف السماوات انفتحت والروح القدس استقر عليه كأنه حمامة، 11 و إلا بصوت جاي من السماوات يقول: «أنت ولدي الحبيب، و أنا فرحان بك، اكبر فرحة!» 12 و على طول الروح اخد يسوع إلى البرية، 13 وقعد هناك أربعين يوم والشيطان يختبره. و كان بين الوحوش والملائكة تخدمه. يسوع يعلن بشارة الله 14 و بعد ما أنسجن يوحنا، راح يسوع إلى منطقة الجليل، يعلن بشارة الله ويقول: 15 «هدوها الوقت جا و ملكوت الله قرَّب. توبوا وآمنوا ببشارة الإنجيل!» دعوة التلاميد الأوليين 16 و لما كان يسوع يمشي على ساحل بحر الجليل، شاف سمعان وأخوه أندراوس الصيادين يرموا الشبك في البحر. 17 و قال ليهم يسوع: «يلا أتبعوني، عشان أخليكم صيادين للناس!» 18 و على طول تركوا شبكهم وصاروا من أتباعه. 19 و بعدين مشى من هناك شوي؛ وشاف يعقوب ولد زبدي ويوحنا أخوه في السفينة يصلحوا الشبك، 20 و قال ليهم يبتعوه على طول، و قاموا تركوا أبوهم زبدي في السفينة ويا المتأجرين، وصاروا من أتباعه. يسوع يطرد روح نجسة 21 و بعدين راحوا كفرناحوم. ودخل على الطول، إلى المعبد في يوم السبت و قام يعلم. 22 وأتسغربوا الحاضرين من تعليمه، لأنه كان يعلمهم كشخص عنده سلطان مو زي الكتبه. 23 و كان في المعبد رجال يسكن فيه روح نجس؛ و قام يصرخ 24 ويقول: «وش دخلك فينا يا يسوع الناصري؟ چى جيت عشان تهلكنا؟ أنا أعرف منهو انت. إنت قدوس الله!» 25 و سكته يسوع و قال: «انطم واطلع منَّه!» 26 و طلعت الروح النجس من الرجال، وصرخ صرخة بصوت عالي، وطلع منه. 27 واختلعوا كل الحاضرين و قاموا يسألوا بعض: «ويشو هدا؟ هدا تعليم جديد، لأنه عنده سلطان و حتى الأرواح النجسة تطيعه!» 28 وبعدها على طول أنتشر خبر يسوع في كل مكان في المنطقة القريبة من الجليل. يسوع يشفي ناس واجد 29 و بس مشوا من المعبد، دخلوا بيت سمعان وأندراوس، وياهم يعقوب ويوحنا. 30 وكانت عمة سمعان ام مرته مريضة، ومنسدحه على السرير، جايتنها صخونة. و على طول قالوا ليسوع عن حالتها. 31 وقرب منها يسوع، و مسك ايدها وقوَّمها. وراحت عنها الصخونة على طول، وقامت تخدمهم. 32 وفي الليل، لما غربت الشمس، جابوا له الناس كل إلا كانوا مرضى ومسكونين، 33 إلى درجة إن أهل المدينة تجمعوا كلهم عند الباب. 34 و شفى منهم ناس واجد فيهم أمراض مختلفه، وطرد منهم جن واجد، و ما خلى للجن مجال للكلام، لأنهم عرفوا من هو. يسوع يصلي في مكان معزول 35 و في اليوم إلا بعده، قعد من غبشة قبل ما يجي الفجر، و راح مكان معزول و قام يصلي هناك. 36 و راح سمعان و إلا وياه يدوروه. 37 و لما حصلوه قالوا له: «الكل يدور عليك!» 38 و قال ليهم: «خلينا نروح مكان ثاني في القرى القريبة عشان أبشر هناك بعد، لان هدا هو الشي إلا أنا جيت عشانه.» 39 و راح يبشر في معابد اليهود في منطقة الجليل كلها، ويطرد الجن. يسوع يشفي رجال أبرص 40 وجا له واحد مريض فيه برص وتوسل له. و سجد على ركبه و قال له: «إدا بغيت، فانت تقدر تطهرني!» 41 و حن عليه يسوع ومد إيده ولمسه و قال له: «أبغى أطهرك، أطهر» 42 و على طول راح البرص عنَّه وتطهر. 43 و على طول يسوع خلاه يمشي، بعد ما حدره تحدير شديد، 44 و قال له: « إنتبه! لا تقول لأحد شي، بس روح اعرض نفسك على الكاهن، وأعطيهم المبلغ إلا يساوي قيمة تطهيرك زي ما أمر موسى، و بكون إلا صار شهادة ليهم!»» 45 لكن هو ما سكت، راح نشر الخبر في كل مكان، لدرجة أن يسوع صار ما يقدر يدخل اي منطقه بالعلن، وصار يسكن في أماكن مهجورة، والناس كانوا يزوروه من كل مكان. |
Qatifi New Arabic Version © 2024 Strategic Resource Group
Strategic Resource Group