الإنجيل زي ما كتبه مَتَّى 27 - Qatifi New Arabic Version / الترجمة العربية القطيفية الجديدة

إنتحار يهودا

¹ و لما جا الصباح، كل رؤساء الكهنة وقادة الشعب أجتمعوا أجتماع ثاني، وتآمروا على يسوع عشان يتخلصوا منه بعقوبة الموت.

² و بعدين ربطوه و جروه وسلموه إلى بيلاطس الحاكم.

³ و يوم شاف يهودا إلا خانه وسلمه إن حكم القتل صدر على يسوع، ندم و رجع الثلاثين قطعة الفضة إلى رؤساء الكهنة والقادة،

⁴ و قال ليهم: "أنا غلطت يوم سلمتكم دم واحد بريئ." وردوا عليه: "وش دخلنا أحنا، هدي مشكلتك أنت!"

⁵ و قام رمى القروش الفضة في الهيكل ومشى، و بعدين راح شنق نفسه.

⁶ وأخدوا رؤساء الكهنة القروش الفضة و قالوا: "ما يجوز لينا نحطها في صندوق الهيكل، هدا المبلغ ثمن دم!"

⁷ و بعد ما تشاوروا أشتروا بالمبلغ بستان الفخاري عشان يكون مقبرة للناس الغرب،

⁸ عشان چدي إلى هاليوم يسموا هألبستان حقل الدم.

⁹ و وقتها صار إلا تنبأ به النبي إرميا يوم قال: "وأخدوا الثلاثين قطعة من الفضة، ثمن الكريم إلا حددوه بني إسرائيل،

¹⁰ ودفعوها إلى بستان الفخاري، زي ما أمرني الرب."

صلب يسوع

¹¹ وقف يسوع قدام الحاكم. و قام سأله الحاكم: "أنت قلت أنك ملك اليهود؟" و رد عليه يسوع و قال: "هدانتا قلتها!"

¹² و كانوا رؤساء الكهنة والقادة يتهموه باشياء واجد، و هو ساكت ما يرد.

¹³ و قال له بيلاطس: "چى ما تسمع وش يشهدوا به عليك؟"

¹⁴ لكن يسوع ما جاوب الحاكم ولا بكلمة، و الحاكم كان مستغرب مره.

¹⁵ و كان عندهم عادة أن الحاكم يقدر في كل عيد أنه يفرج عن سجين واحد، إلا الشعب يختاره.

¹⁶ و كان عندهم وقتها سجين مشهور بسمعته السيئة - أسمه باراباس؛

¹⁷ و لما كانوا متجمعين، سألهم بيلاطس: "منهو تمبوا أفرج ليكم عنه: باراباس أو يسوع المعروف بالمسيح؟"

¹⁸ لأنه كان عارف إنهم سلموه له عن حسد.

¹⁹ و لما كان قاعد على كرسي القضاء،رسلت له مرته رسالة ويا شخص تقول له : "أنتبه من الشخص البار! ترا أني حلمت اليوم حلمه عنه و تضايقت واجد في الحلم بسببه."

²⁰ لكن رؤساء الكهنة والقادة حرضوا جماعة الناس على أنهم يفرجوا عن باراباس وينقتل يسوع.

²¹ وسألهم بيلاطس: "أي واحد من هالإثنين تمبوا أفرج عنه ليكم؟" و جاوبوه: "باراباس."

²² ورجع يسأل: "و ويش تبغوني أسوي في يسوع المعروف بالمسيح؟" وجاوبوا كلهم "أصلبه"

²³ و سأل الحاكم: "وويش هو الشر إلا سواه؟" و زاد صراخهم "أصلبه!"

²⁴ و لما شاف بيلاطس أن ما في فايدة، و بتصير بينهم فتنة وفوضى، أخد ماي وغسل إيده قدام جماعة الناس، و قال: "أنا بريء من دم هدا البار. فشوفوا أنتون كيف بتتصرفوا!"

²⁵ وجاوبوه الشعب بصوت واحد: "خل يكون دمه علينا و على أولادنا!"

²⁶ و قام فرج ليهم عن باراباس، و جلد يسوع، و بعدين سلمه للصلب.

الجنود تمسخروا على يسوع

²⁷ وجنود الحاكم جروا يسوع إلى دار الحكومة وجمعوا عليه جنود الجيش كلها،

²⁸ وفصخوه ثيابه، ولبسوه ردا أحمر

²⁹ وحطوا على راسه تاج مصنوع من شوك، وحطوا عصاية في إيده اليمين، وركعوا قدامه يتمسخروا عليه و يقولوا: " سلام وتحية لك يا ملك اليهود!"

³⁰ وتفلوا عليه، وأخدوا العصايه من إيده، وضربوه بها على راسه.

³¹ وبعدما شبعوا من المسخره عليه، شالوا الردا إلا عليه، ولبسوه ثيابه، وجروه عشان ينصلب.

³² و لما كانوا الجنود يجروه للصلب، شافوا رجال من القيروان أسمه سمعان، وجبروه يحمل الصليب.

³³ و لما وصلوا للمكان إلا يسموه الْجُلْجُثَةِ، ومعناه "مكان الجمجمة"،

³⁴ وعطوا يسوع خمر مخلوط بمرارة عشان يشرب منه،، لما ضاقه،مارضى يشربه.

³⁵ و قاموا صلبوه، و تقإسموا ثيابه بينهم بالقرعة.

³⁶ وقعدوا هناك يحرسوه؛

³⁷ وعلقوا فوق راسه لافتة مكتوب عليها تهمته: "هدا هو يسوع، ملك اليهود."

³⁸ وصلبوا وياه أثنين من الحرامية، واحد على يمينه والثاني على يساره.

³⁹ وكانوا الناس إلا يمروا جنبه، يتشمتوا عليه، و يهزوا روسهم،

⁴⁰ ويقولوا ليسوع: "يا هادم الهيكل وبانيه في ثلاثة أيام، خلص نفسك! إدا صحيح أنت إبن الله يلا أنزل من على الصليب!"

⁴¹ وتمسخروا عليه بعد رؤساء الكهنة والكتبة والقادة، و قالوا:

⁴² "خلص غيره؛ و مو قادر يخلص نفسه! هدا هو ملك إسرائيل؟ خليه ينزل عن الصليب عشان نآمن به!

⁴³ توكل على الله، خليه يخلصه الله إدا كان يمباه! هو إلا قال: أنا إبن الله!"

⁴⁴ وكانوا الحراميين المصلوبين وياه يتمسخروا عليه بكلام زي هالكلام!

يسوع يسلم الروح

⁴⁵ و من الساعة إطنعش الظهر إلى حدود الساعة ثلاث العصر، ظلمت الأرض كلها.

⁴⁶ و في حدود الساعة ثلاث صرخ يسوع بصوت عظيم: "إِيلِي، إِيلِي، لَمَا شَبَقْتَنِي؟ ومعناها: "إلهي، إلهي،إلاويه تركتني؟"

⁴⁷ و لما سمعوه الناس الواقفين هناك، قالوا: "هدا هو ينادي إيليا!"

⁴⁸ وركض واحد منهم، وأخد أسفنجة غمسها في الخل، وثبتها على خشبة وقربها منه عشان يشرب؛

⁴⁹ و لكن الباقيين قالوا: "خليه في حاله! خلينا نشوف إدا بيجي إيليا ينزله!"

⁵⁰ وصرخ يسوع مرة ثانية بصوت عالي، و سلم روحه.

⁵¹ في وقتها أنشق ستار الهيكل نصين، من فوق لتحت، وتزلزلت الأرض، وتفلقعت الصخور،

⁵² وتفتحت القبور، وقامت أجساد قديسين واجد إلا كانوا مدفونين في القبور

⁵³ وطلعوا من القبور، ودخلوا المدينة المقدسة بعد قيامة يسوع وشافوهم ناس واجد.

⁵⁴ و العسكري قائد المية، وجنوده إلا كانوا يحرسوا يسوع، ماتوا من الخوف والرعب لما شافوا الزلزال و كل إلا صار و قالوا: "صحيح هدا كان إبن الله!"

⁵⁵ و من بعيد كان في نسوان واجد تراقب إلا يصير، وكانوا هم نفسهم النسوان إلا كانوا أتباع يسوع من منطقة الجليل وكانوا يخدموه،

⁵⁶ و من بينهم مريم المجدلية، ومريم أم يعقوب ويوسف، وأم أولاد زبدي.

دفن جثمان يسوع

⁵⁷ و في الليل، جا رجال غني من بلدة الرامة، أسمه يوسف، كان من تلاميد يسوع.

⁵⁸ و راح إلى بيلاطس يطلب منه جثمان يسوع. و أمر بيلاطس أنهم يعطوه الجثمان.

⁵⁹ و أخد يوسف الجثمان، وكفنه بقماش كتان نقي وخالص،

⁶⁰ ودفنه في قبره الجديد إلا كان محفور في الصخر، ودحلب حجرة كبيرة على باب القبر عشان يسكره، وبعدها راح.

⁶¹ وكانت هناك مريم المجدلية ومريم الثانية قاعدين قبال القبر.

حراسة القبر

⁶² و في اليوم إلا بعده، يعني بعد التجهيز ليوم السبت، جو رؤساء الكهنة و الفريسيين ويا بعض إلى بيلاطس،

⁶³ و قالوا: "يا سيد. تذكرنا إن داك المضلل قال لما كان حي: بعد ثلاثة أيام باقوم.

⁶⁴ قام الحاكم أصدر أمر بحراسة القبر، حراسة شديدة إلى اليوم الثالث، عشان ما يجي تلاميده و يبوقوه ويقولوا للشعب: إنه قام من بين الأموات، ويصير التضليل الأخير أسوأ من الأولي."

⁶⁵ و قال ليهم بيلاطس: "هدنتون عندكم حراس! روحوا واحرسوه زي ما تمبوا."

⁶⁶ وراحوا وتأكدوا من أن القبر مسكر، وسدوا الحجر، وخلوا عليه حرس.