الإنجيل زي ما كتبه مَتَّى 11 - Qatifi New Arabic Version / الترجمة العربية القطيفية الجديدة

يسوع ويوحنا المعمدان

¹ بعد ما خلص يسوع من توصية تلاميده الإطنعشر، طلع من هناك، و راح يعلم ويبشر في مدنهم.

² و لما سمع يوحنا، و هو في السجن، بمعاجز المسيح، رسل له جماعة من تلاميده،

³ يسألوه: "أنت هو إلي قاعدين ننتظره يجي؟ أو ننتظر أحد غيرك؟"

⁴ و قال ليهم يسوع : "روحوا وقولوا ليوحنا باللي قاعدين تسمعوه وتشوفوه:

⁵ العميان يفتحوا، والعرجان يمشوا، والبرصان يطهروا، والصمخان يسمعوا، والميتين يحيوا، والمساكين وصلتهم البشارة

⁶ وهنيئا للي ما يشك فيي!"

⁷ و لما راحوا تلاميد يوحنا، يسوع قام يتكلم ويا الجماعة ويسألهم عن يوحنا، و قال ليهم: "وش طلعتوا تشوفوا في البر؟ عصاية تهزها الريح؟

⁸ و إلا وش طلعتوا تشوفوا: رجال يلبس ثياب حرير غالية؟ دكو إلا لابسين ثياب حرير وغالية تحصلوهم في قصور الملوك!

⁹ عجل وش طلعتوا تشوفوا؟ نبي؟ إي نعم، أقول ليكم، وأعظم من نبي.

¹⁰ هدا هو إلا أنكتب عنه: "هدانا برسل قدامك رسولي إلا يجهز لك طريقك!"

¹¹ بأمانة أقول ليكم: "ما ولدت بطون الأمهات أحد أعظم من يوحنا المعمدان. و لكن أصغر واحد في ملكوت السماوات - أعظم منه!"

¹² "و من بدا يوحنا المعمدان خدمته والناس قاعده تهاجم وتضطهد إلا يدخل ملكوت السماوات و إلا يسعوا يدخلوا ملكوت السماوات ما بيدخلوا بسهوله

¹³ لأن في التوراة و كل الأنبياء تنبأوا إلين ماجى وقت ظهور يوحنا.

¹⁴ و إدا بغيتوا تصدقوا، يوحنا على أن هو إيليا المنتظر صدقوا.

¹⁵ و إلا فيه أداين، يسمع! "

¹⁶ و لكن، بويش أشبه هالجيل؟ هم زي الأولاد القاعدين في الساحات العامة، و إلا ينادوا أصحابهم ويقولوا:

¹⁷ زمرنا ليكم بالمزمار، و ما رقصتوا! وندبنا ليكم، ما صحتوا!

¹⁸ يوحنا ماجى عشان ياكل و يشرب، و قالوا عنه: هدا ساكننه شيطان!

¹⁹ وبعدين جا إبن الإنسان ياكل ويشرب،و قالوا: هدا رجال طماع و سكير، أصحابه يشتغلوا في الضرايب وخاطاه. "و لكن تنعرف الحكمة بأعمالها ."

يا ويل المدن إلا ما تابت

²⁰ و بعدين قام يسوع يهزأ المدن إلا صارت فيها أكثر معجزاته، لأن أهلها ما تابوا.

²¹ و قال: " ياويلش يا كُورَزِينُ! يا ويلش يا بيت صيدا! لو كل ديك المعاجز إلا صارت فيكم صارت بعد في مناطق صور وصيدا، أنجان تابوا أهلها من زمان و هم لابسين الخيش والرماد.

²² ولكني أقول ليكم: إن حالة مناطق صور وصيدا في الدينونة، بتكون أرحم من حالتكم!

²³ وأنتين يا كفرناحوم: أرتفعتي إلى السما؟ هدا أنتين بتروحي للهاوية. لو إلا صارت فيش المعاجز إلا صارت في سدوم، كان ظلت سدوم إلى هاليوم باقية.

²⁴ و لكن أقول ليكم إن مصير منطقة سدوم في يوم الدينونة، بيكون أحسن من حالتش يا كفرناحوم!"

راحة التعبانين

²⁵ و في داك الوقت، تكلم يسوع و قال: "أحمدك يا الآب رب السما والأرض، لأنك حجبت هدي الأمور عن الناس إلا عندها حكمة وفاهمة، وكشفتها للجهال الصغار!

²⁶ إي نعم يا الآب، لأن في نظرك هدا هو الأفضل.

²⁷ أبويي سلم في إيدي كل شي. ولا أحد يعرف الإبن إلا الآب، ولا أحد يعرف الآب إلا الإبن، و إلا يختاره الإبن عشان يعلن له هالشي.

²⁸ تعالوا ليي يا كل التعابى و إلا عندكم هموم ثقيلة عليكم، و أنا بعطيكم الراحة

²⁹ خلوا نيري عليكم، وتعلموا مني، لأني وديع و قلبي متواضع، وبتحصلوا عندي راحة لنفوسكم.

³⁰ لأن نيري هين، وحملي خفيف!"