أعمال 14 - Qatifi New Arabic Version / الترجمة العربية القطيفية الجديدة

في إيقونية

¹ و زي عادتهم دخل بولس وبرنابا إلى المعبد اليهودي في إيقونية، و قاموا يتكلموا إلين آمنوا ناس واجد من اليهود واليونانيين.

² و لكن اليهود إلا مو مؤمنين حرضوا إلا مهم يهود على الأخوه، وخربوا تفكيرهم.

³ لكن بولس وبرنابا ضلوا هناك فترة طويلة يبشروا بالرب بكل شجاعة، وأيّدهم الرب وشهد لكلمة نعمته باللي حققه على إيدهم من آيات ومعاجز.

⁴ وأنقسموا أهل إيقونية إلى فريقين: فريق ويا اليهود، وفريق ويا الرسولين.

⁵ و لما جو إلا مو يهود واليهود ورؤساءهم يمبوا يهينوا الرسولين ويرجموهم بالحجارة،

⁶ دروا الرسولين بهالشي وهربوا إلى مدينة لِسْتَرَةَ وَدَرْبَةَ إلا تصير في منطقة لِيكَأُونِيَةَ، و إلى المناطق القريبة منهم.

⁷ و قاموا يبشروا هناك.

في لسترة ودربة

⁸ و كان يسكن في مدينة لسترة رجال متكسح مشلول من يوم نولد و ما عمره مشى أبد.

⁹ و هو قاعد يسمع كلام بولس و بولس شاف فيه إيمان أنه بيبرى،

¹⁰ فعيط عليه بصوت عالي و قال له: "قوم وأوقف على رجولك!" فنط الرجال و قام يمشي.

¹¹ و لما شافوا الحاضرين إلا سواه بولس صاروا ينادوا باللغة اللِّيكَأُونِيَّة: "الآلهة أخدت صورة بشر ونزلوا بينا!"

¹² بعدين سموا برنابا زفس، وبولس سموه هرمس، لأنه هو إلا كان المتحدث الاول.

¹³ و كان عند مدخل المدينة معبد للإله زفس، وجا الكاهن حقه ويا ناس من المدينة، و هم حاملين أكاليل الورد ويجروا الثيران عشان يعطوها دبيحة لبولس وبرنابا.

¹⁴ و لما سمعوا الرسولين هالشي شقوا ثيابهم، وراحوا يسرعوا للناس المجتمعين

¹⁵ و هم يقولوا بصوت عالي: "يا ناس لاويه تسووا چدي؟ أحنا بشر ضعاف زيكم، نبشركم عشان تهونوا عن هدي الأشياء الباطلة إلى الله الحي خالق الأرض والسما والبحر، و كل إلا فيها،

¹⁶ و هو في الأزمان إلي راحت ترك الأمم يمشوا في طريقهم،

¹⁷ ومع إنه ما تركهم بدون شاهد يدليهم الطريق. و هو للحين ينعم عليكم بالخير، ويرزقكم مطر السما والمواسم المثمرة، ويشبع بطونكم بالأكل و يملي قلوبكم بالفرح.

¹⁸ وبعد هالكلام وبطلعة الروح، قدروا يفهّموا و يقنعوا الجماعة بأن ما يتقربوا ليهم بالذبايح.

¹⁹ بعدين جو بعض اليهود من أنطاكية وإيقونية، وحرضوا الجماعة، و قاموا يرجموا بولس إلين إنهم فكروا إنه مات، وسحبوه برا المدينة.

الرجوع إلى أنطاكية في سوريا

²⁰ و لما التموا عليه التلاميد من كل جهه، قام رجع للمدينة. و في اليوم إلا بعده سافر ويا برنابا إلى دربة،

²¹ وبشر أهلها، وصاروا ناس واجد منهم تلاميد للرب. و بعدين رجع إلى مدينة لسترة، ومنها إلى مدينة إيقونية، وآخر شي راح أنطاكية.

²² و في كل هدي الأماكن كانوا يشجعوا ويزدوا من عزم التلاميد على الثبات على الإيمان، ويأكدوا ليهم إن دخول ملكوت الله يفرض عليهم أنهم يتحملوا أضطهإدات واجد.

²³ وعينوا للتلاميد قادة في كل كنيسة، و صلوا و صاموا وسلموا كل إلا آمنوا به وديعة بين أيادي الرب.

²⁴ و بعدين سافروا من منطقة بِيسِيدِيَّة، و وصلوا إلى منطقة بَمْفِيلِيَّة.

²⁵ وبشروا بكلمة الله في مدينة برجة، و بعدين سافروا إلى ميناء أتالية.

²⁶ و من هناك رجعوا عن طريق البحر إلى مدينة أنطاكية، مكان ما سلموهم المؤمنين إلى نعمة الله عشان يقوموا بالعمل إلا أنجزوه.

²⁷ و لما وصلوا، نادوا على الكنيسة عشان تجتمع، و قالوا للكل بكل إلا سواه الله من خلالهم، وبأنه فتح باب الإيمان لغير اليهود.

²⁸ وقعدوا ويا التلاميد هناك مدة طويلة.