Salmos 87 - Qheshwa Biblia DC

Sión llajtapi tiyakoyqa kusikuymin

¹ Diospa llajtampa cimientosnenqa, santo orqokunapi sayachisqas kanku.

² Señorqa Siompa punkusninta munakun, Jacobpa tukuy wasinmanta astawan.

³ Diospa llajtan, may k'acha imasta qanmanta nisunku.

⁴ Rejsiwaj llajtamanta sutisninta oqhariyman: Egiptota, Babiloniata, Filisteata, Tirota, Etiopiatawan, tukuy chaykuna qanmanta llojserqanku.

⁵ Sión llajtamantaqa nenqanku: kaypis jaqaypis chaymanta llojserqanku. Kikin patapi kaj Diospuni sayacherqa.

⁶ Señorqa libropi qelqan. Chaypi churasqa kashan llajtaspa sutisnin. Kay chaymanta llojsin, nispa.

⁷ Takejkuna tusojkunapis ninku: Tukuy juturisneyqa qampi kashan.