Salmos 67 - Qheshwa Biblia DCTukuy naciones Diosta yupaychachunku [Cuerdasniyoj tocanaswan takinapaj.] 1 Diosníy, khuyakuy noqaykumanta, bendiciwaykutaj. Allin ñawiwan qhawawayku. 2 Kay pachapi tukuy jatun llajtas, munayniykita, salvacionniykimantawan yachanankupaj. 3 Diosníy, ayllusqa yupaychasuchunku. Tukuy ayllus yupaychasuchunku. 4 Tukuy jatun ayllus kusisqas qhaparichunku, imaraykuchus qan cheqanta ayllusta kamachinki. Qanlla kay pachapi runasta ñaupajman pusanki. 5 Diosníy, ayllusqa yupaychasuchunku. Tukuy ayllus yupaychasuchunku. 6 Jallp'aqa poqoyninta qorqa. Diosninchejtaj bendiciwarqanchej. 7 Dios bendiciwasun. Diosninchejta tukuy kay pachapi kajkuna yupaychachunku. |
Qheshwa Biblia DC © Sociedades Bíblicas Unidas, 1986.
United Bible Societies