Salmos 60 - Qheshwa Biblia DCDiosmanta yanapata mañakuna [Liriosmanta yuyarinapaj Davidpa qelqasqan. Yachachinapaj maypachachus Aram-naharaimpa, Arampa contrantawan Sobapi maqanakorqa; Joab kutimorqa kachi vallepi chunka iskayniyoj waranqa soldadosta chinkacherqa, chaypacha.] 1 Qan, Diosniyku, phiñakuyniykipi saqerpariwayku, t'unarpariwaykutaj. Kunanqa kallpaykuta kutichipuwayku. 2 Qan jallp'ata kharkatichispa lajracherqanki. Kunanqa, chay lajrasqasta wisq'aray, imaraykuchus urmaykoj jina kashan. 3 Aylluykita sinch'ita llakichinki, umata machachej vinota qorqanki. 4 Qanta yupaychasojkunamanri señalta qorqanki flechasmanta ayqenankupaj. 5 Kutichiwayku, atiyniykiwan salvawayku. Munakusqasniykita libray. 6 Diosninchej Santo wasimpi nin: Siquemta kusikuywan t'aqasaj, Sucot valletataj rak'irasaj. 7 Galaadwan Manaseswan noqajta. Efraintaj umayta jark'aj monteray. Judataj kamachinay vara. 8 Moabqa mayllakunay ch'illami. Edompi juk'utayta wijch'usaj. Filisteosta atipasqaymanta qhaparisaj. 9 Pitaj sumaj perqasqa llajtaman pusawanqa? Pitaj Edomkama pusawanqari? 10 Qanqa, Diosníy, qhesachawayku, manañataj soldadosniykuwan llojsinkichu. 11 Enemigosniykoj contranta yanapawayku, imaraykuchus runaspa yanapaynenqa qhasi mana kajlla. 12 Diospa yanapayninwan jatuchaj imasta ruwasun. Payqa enemigosninchejta ñat'uranqa. |
Qheshwa Biblia DC © Sociedades Bíblicas Unidas, 1986.
United Bible Societies