Salmos 6 - Qheshwa Biblia DC

Llakisqaj mañakuynin

¹ Señor, phiñasqa kaspa ama k'amiwaychu, sinch'i phiñasqa kaspa ama jasut'iwaychu.

² Señor, khuyakuway noqamanta, kallpay mana kanchu. Thañichiway, Señor, imaraykuchus tukuy ukhusniy t'unakushawan.

³ Manchariywan kharkatitishani, Señor. Mayk'ajtaj uyariwankiri?

⁴ Jamuy ari Señor, kutirichillawayña, khuyakuyniykirayku salvaway.

⁵ Wañuspaqa ni pipis qanmanta yuyarikunñachu. Pitaj jallp'a ukhumanta yupaychasonqari?

⁶ Sayk'uniña jik'unta waqaspa. Tukuy tutas waqakuni puñunayta ch'aranchaspa.

⁷ Waqasqaypi ñawisneyqa chharpullaña, ñawisneyqa sayk'usqaña llakichiwajkunanejta.

⁸ Karunchakuychej noqamanta, sajrata ruwajkuna, imaraykuchus waqasqaytaqa Señor uyarin.

⁹ Qhawarikusqaytapis Señor uyariwan, mañakusqaytaj Señorman chayan.

¹⁰ Enemigosniyrí tukuyninku mancharisqas rikhurenqanku, p'enqachisqas rikhurenqanku. Uj ñawi ch'irmiypi p'enqaywan ayqenqanku.