Salmos 53 - Qheshwa Biblia DC

Runaj juchallikuynin

¹ Sonqonkupi wampusqa ninku Dios mana kasqanta. Tukuy sajrayapunku, tukuy ima millaykunata ruwanku. Manaña pipis allinta ruwajqa kanchu.

² Janaj pachamantapacha Señorqa runasta qhawamun, ichas kanman pillapis. yuyayniyoj runa Diosta mask'aj, nispa.

³ Tukuytaj sajra ñanta jap'irinku. Kikillantataj tukuy sajrayanku. Manaña pipis allin kajta ruwajqa kanchu. Mana ujllapis kanchu.

⁴ Sajra runasqa mana yuyayniyojchu kanku. Paykunaqa aylluyta t'antata jina mikhukapunku. Señorpa sutintaqa mana oqharillankupischu.

⁵ Mana imapis manchachikunapaj kashajtimpis, paykunaqa manchachikuywan kharkatenqanku. Diosqa ayllumpa enemigosnimpa tullusninta t'akaranqa. Paykunaqa p'enqaypi rikhurenqanku Dios qhesachasqanrayku.

⁶ Ichapis Sión orqomanta, Israelpaj salvacionnin chayamunman, Señor ayllunta kacharichispa pusakampojtin. Jacobpa mirayninmanta kajkuna, Israel ayllumanta kajkunapis kusikonqanku.