Salmos 47 - Qheshwa Biblia DC

Diosqa tukuy kay pachaj Reynin

¹ Tukuy ayllus t'ajllakuychej. Kusisqas Diosman qhapariychej.

² Patapi kaj Diosqa manchachikuna, payqa jatun rey tukuy kay pachapi.

³ Payqa llajtasta nacionestapis phirerqa, kamachiyninchejmantaj churarqa.

⁴ Chayaqenchejta ajllapuwanchej, munakusqan Jacobpa k'acha kayninta.

⁵ Señor Diosninchej tiyananman, kusiywan qhapariykuna cornetaj waqaynimpi ima.

⁶ Takiychej, takiychej Diosninchejman. Takiychej, takiychej reyninchejman.

⁷ K'acha takiyta Diosman takiychej, imaraykuchus payqa tukuy kay pachaj reynin.

⁸ Dios tukuy nacionesta kamachin. Diosqa santo tiyanampi tiyasqa kashan.

⁹ Llajtaspa aswan kurajkunasninku Abrahampa Diosnimpa llajtanwan tantakunku.

¹⁰ Tukuy nacionespa kurajkunasnenqa Diospatamin, payqa tukuy ima patapi kashan.