Salmos 43 - Qheshwa Biblia DC

Señorpa salvacionninta mañakunamanta

¹ Justiciata ruwaway, Diosníy. Noqamanta sayakuwanku chay mana creej runasmanta. Sajra runamanta, llulla runamantawan libraway.

² Diosníy qanmin jark'akuwajniy kanki. Imaraykutaj saqerpariwankiri? Imaraykutaj llakisqa purinay tiyan, enemigosniypa sarusqanri?

³ Apachimuway k'anchayniykita, cheqa kayniykitawan, ñanta yachachinawankupaj, mayqen ñanchus santo orqoykiman chayan, qan tiyakunki chayman.

⁴ Ajinamanta, Diosníy, altarniykiman chayasaj. Chaypitaj arpawan yupaychasqayki, imaraykuchus, qan Diosníy, sonqoyta kusiywan junt'achiwanki.

⁵ Imaraykutaj q'enaqakuymanri? Imaraykutaj t'ukuspalla kaymanri? Diosniypi suyayniyta churani. Diosta yupaychasajraj. Paymin Salvawajniy Diosneyqa.