Salmos 4 - Qheshwa Biblia DC

Señorpi kusikunamanta

¹ Wajyasojtiy uyarillaway, cheqan kaj Diosníy. Qanllapuni orqhowanki tukuy ima llakiymanta. Khuyakuway, mañakusqaytataj uyariway.

² Runas, jayk'ajkamataj rumi sonqo kankichejri? Mayk'ajkamataj mana kajta, llulla kajtataj qhatinkichejri?

³ Yachaychej, Diosqa payta munakusqanta yanapasqanta. Wajyakojtiy Payqa uyarillawampuni.

⁴ Manchachikuychej, amataj juchallikuychejñachu. Puñoj rishajtiykichej sonqoykichejpi ch'inmanta unanchakuychej.

⁵ Jaywanaykichej kajtaqa maychus kajta Diosman qoychej, Señorpitaj suyaychej.

⁶ Ashkhas kay jinata ninku: Pitaj kusikuyta rikuchiwasunri? Rikuchiwayku Señor uyaykej k'anchayninta.

⁷ Runas kusinkunku trigota pirwaman churajtinku, vinotapis jallch'ajtinku. Señor, paykunaj kusikuyninkumanta, qan astawan sonqoyta kusichinki.

⁸ Sirikuytawan puñuykapuni, imaraykuchus qanlla, Señor, sajramanta jark'awaspa kausachiwanki.