Salmos 32 - Qheshwa Biblia DC

Juchas willakuymanta, perdonmantawan

¹ Kusiyniyojmin runaqa, sajra ruwasqasnin pampachasqa kajtin, tukuy juchasnintaj pakaykusqa kajtin.

² Kusisqamin runaqa juchanmanta Señor mana juchachajtin, pitachus Señorqa ni ima juchanmanta uyanchajtin.

³ Juchayta manaraj willakushajteyqa, tukuy ukhuy llauchhuyawarqa diantinta waqasqaypi.

⁴ Tuta p'unchay, makiykeqa astawan astawan ñak'arichiwarqa. Q'oñi tiempopi qawisqa t'ika jina, kallpay pisiyawarqa.

⁵ Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

⁶ Chayrayku, llakisqa kajtinku qhatisojkuna qanmanta mañakonqanku. Sinch'i mayu yaku wasarejtimpis, mana paykunakama chayanqachu.

⁷ Qan pakakunay kanki. Mana allin kajmanta jark'awanki, atipay takinasta qhaparispataj muyuykuwanki.

⁸ Señorqa nin: Ñawisneyqa qanta qhawashasunku, yachachisqayki, yuyaychasqayki, mayqen ñantachus allinta rinaykita yachachisqayki ima.

⁹ Ama caballo jinaqa, chayri mula jinaqa kaychu, mana entiendey atej. Chaykunataqa sayachina tiyan, frenowan reatawantaj. Mana jina kajtenqa, mana qanman chimpamonqankuchu.

¹⁰ Sajra runasqa ashkha nanaykunasniyoj kanqanku.

¹¹ K'acha runas, Señorpi kusikuychej, kusikuywantaj qhapariychej allin yuyayniyojkuna.