Salmos 3 - Qheshwa Biblia DC

Señorpa yanapayninta mañakuy

¹ Señor, enemigosneyqa ashkha kanku, ashkhallataj contraypi churakojkunapis.

² Ashkha noqamanta nejkuna kanku: Diosqa payta mana salvanmanchu, nispa.

³ Qan Señorníy, muyuyniypi jark'akuwajniy kanki. Qan kusichiwaspa kallpachawanki.

⁴ Noqaqa qhaparispa Señormanta mañakuni, Paytaj Santo orqonmanta uyarimuwan.

⁵ Siriykuspa puñusqamanta rijch'arini, imaraykuchus Señorman jap'ikuwan.

⁶ Mana manchachikunichu chay chhika runasta, contraypi tukuynejmanta muyuykamuwajkunata.

⁷ Sayarikuy, Señor! Diosníy, salvaway! Qan contrariosniyta jinch'anki, sajra runaspa kirusnintataj muchhanki.

⁸ Qanlla salvayta atinki, Señor. Bendiciy ari aylluykitaqa.