Salmos 19 - Qheshwa Biblia DC

Diospa palabranwan, ruwasqasninwan

¹ Janaj pachaqa Diospa atiyninmanta parlawanchej. Cieloqa tukuy paypa ruwasqasninmanta parlawanchej.

² Uj p'unchayqa q'ayantin p'unchayman willan, ch'isispis chay yachayllatataj yachachinku.

³ Ni ima parlay, nitaj ima parlasqapis uyarikunchu.

⁴ Chayqa tukuynejpi yachakun, mundoj tukukuyninkama chayan, intej yaykuyninkama.

⁵ Intitaj ñanninta kusisqa puriyta qallarin, correj wayna jina, novio casamientopi llojsin jina.

⁶ Inteqa cieloj ujnin cantonmanta llojsimun, muyuykuntaj ujnin cantonman chayanankama. Mana imapis ruphayninmanta ayqenmanchu.

⁷ Cheqampuni Señorpa yachachisqanqa, imaraykuchus mosoj kausayta qon. Cheqampuni Señorpa kamachisqanqa. Yachayniyojman tukuchin mana yachajta.

⁸ Señorpa kamachisqasnenqa cheqampuni, sonqotataj kusichin. Señorpa kamachisqanqa ch'uwa, ñawimantaj k'anchaykun.

⁹ Señorta manchachikoyqa ch'uwa, wiñaypajtaj qhepakun. Paypa nisqasnin cheqa, cheqantaj.

¹⁰ Sumaj qorimantapis aswan munana. Abeja misk'imantapis aswan misk'i.

¹¹ Chaykunaqa kanku kay kamachiykipaj k'amiykuna, allintaj junt'anaqa.

¹² Pitaj juchasninmanta reparakuyta atinmanri? Perdonaway, Señor, pakaypi kaj juchasniymanta.

¹³ Sajra sonqo wapu wapu kaymanta kamachiykita waqaychay. Ama munaychu wapu wapu kay atipanawanta. Jinaqa sumaj runa kasaj, k'acha kausayniyojtaj, jatun juchamantataj llimphuchasqa kasaj.

¹⁴ Qhawasqaykiman jina parlasqasniy, yuyasqasniypis allin kachun. Señor qanqa pakakunay chhanka, salvawajniytaj kanki.