Salmos 16 - Qheshwa Biblia DC

Aswan sumaj chayaqe

¹ Waqaychaway Diosníy, imaraykuchus qampi atienekuyki.

² Nerqayki, qan Señorniy kanki. Qan allin kayniy kanki. Mana imapis qanman rijch'akoj kanku.

³ Kay jallp'a lantisqa atiyniyoj kanku, pikunachus chay lantispi yuyanku chaykunapaj.

⁴ Chay runasqa chaykunata tukuy sonqo qhatikunku. Noqaqa ni jayk'ajpis chaykunaman uywa wañuchisqasta jaywasajchu. Sutisnillankutapis simeyqa ni jayk'aj parlanqachu.

⁵ Qan Señor, tukuy imay kanki; kausayniy makisniykipi kashan, bendicionesniykiwan junt'aqa kani.

⁶ Manchay k'acha cheqata sorteopi jap'erqani. Sumaj chayaqemin noqaman chayawajqa.

⁷ Señorta yupaychasaj, pay yupaychawasqanrayku. Sonqoy ukhupi ch'isisnin pay k'amiwan.

⁸ Señorpipuni yuyani; pay pañaypi kajtin, mana imapis urmachiwanqachu.

⁹ Chayrayku, sonqoy ukhupi may kusisqa kani. Tukuy ukhuy qampi suyaspa samarikonqa.

¹⁰ Mana wañusqastawan khuskachu saqerpariwanki. Nitaj wañuspa ismojta saqewankichu.

¹¹ Kausayman pusaj ñanta rikuchiwanki. May jatun kusikuy tiyan ñaupaqeykipi, qanwanqa wiñaypaj sonqo qhallallariy tiyan.