Salmos 150 - Qheshwa Biblia DC

Tukuy runas Diosta yupaychachun

¹ Señorqa yupaychasqa kachun. Tantakuna wasipi Señorta yupaychaychej, k'achitu cielompi Diosta yupaychaychej.

² Payta yupaychaychej atiywan ruwasqasninrayku. Payta yupaychaychej jatun kaynin mana tukukuyniyoj kasqanrayku.

³ Payta yupaychaychej trompetaj waqayninwan. Payta yupaychaychej arpawan, guitarrawan.

⁴ Payta yupaychaychej tocaykunawan, tamborkunawan. Payta yupaychaychej qenaswan, charangoswan ima.

⁵ Payta yupaychaychej jatun kalanniyoj platolluswan. Payta yupaychaychej chhallaj chhallaj nej platilloswan.

⁶ Tukuy kausayniyojkuna Señorta yupaychachunku. Señorqa yupaychasqa kachun!