Salmos 149 - Qheshwa Biblia DC

Diosqa runaj reynin

¹ Señorqa yupaychasqa kachun. Mosoj takiyta Señorman takiychej. Diosta qhatejkuna tantakuyniykichejpi yupaychaychej.

² Israel ayllu ruwajnimpi kusikuchun, Sión llajta reynimpi qhochukuchun.

³ Tusuykunawan sutinta yupaychachunku. Arpaswan, chhulloj chhullojkunawan Señorman takichunku.

⁴ Diosqa ayllumpi kusikuyta tarin, Wajchastataj atipaywan k'achanchan.

⁵ Diosta qhatejkuna atipasqankumanta kusikuchunku, tutapis kusiywan takillachunkupuni.

⁶ Siminkupi Diosman yupaychaykuna kachun, makisninkupitaj puraj lado filoyoj espada kachun.

⁷ Diosta mana rejsejkunaman aynita kutichinampaj, nacionestataj jasut'inampaj.

⁸ Reyesninkuta cadenaswan watachinampaj, atiyniyoj runasninkutapis fierro cadenaswan,

⁹ qelqasqa kasqanman jina junt'akunampaj. Chaymin Diosta qhatejkunaj atipaynenqa. Señorqa yupaychasqa kachun.