Salmos 146 - Qheshwa Biblia DC

Diospa cheqanchayninmanta yupaychana

¹ Señorqa yupaychasqa kachun. Tukuy sonqoywan Señorta yupaychasaj.

² Kausanaykama Señorta yupaychasaj. Kanaykamaqa Diosniyman takisaj.

³ Ama kamachej runaspeqa atienekuychejchu; ama atienekuychejchu runasllapi, mana salvayta atejkunapi.

⁴ Samaynin tukukun, jallp'amantaj tukunku, chay pachataj tukuy yuyasqanku chinkapun.

⁵ Kusikuyniyojmin Jacobpa Diosnimpa yanapasqanqa, pichus Señor Diosnimpi suyakojqa.

⁶ Pay ruwarqa janaj pachata, kay pachatapis, mar qochata, tukuy chaypi kajkunatawan. Payqa nisqanta junt'ampuni.

⁷ Justiciata ruwan sinch'i llakichisqasman, yarqhasqa kajkunaman mikhuchin. Carcelpi kajkunata kacharichin.

⁸ Señorqa ciegosta qhawarichin. Señorqa urmasqasta sayarichin. Señorqa sumaj k'acha runasta munakun.

⁹ Señorqa karu llajtayojkunata qhawan. Yanapantaj viudasta, wajcha wawastapis. Sajra runaspa ñanninta wist'uyachin.

¹⁰ Sión, Señorniykeqa wiñaypaj kamachenqa, Diosniykeqa wiñay wiñaypaj reypuni kanqa. Señorqa yupaychasqa kachun.