Salmos 142 - Qheshwa Biblia DC

Qhatiykachasqaj mañakuynin

¹ Jatunmanta qhaparispa Señormanta khuyakuyninta mañakuni.

² Ñaupaqempi phutiyniyta willakuni, ñaupaqempi llakiyniyta sut'inchakuni.

³ Ancha llakisqapuni kashajtiy, Señor, qan ñankunasniyta rejsinki, ima ñantachus purishani chaypi uj tojllata churawanku.

⁴ Paña ladoman kutirikuni, mana pipis yanapawaj jamojqa kanchu. Mana pipis kutikuwajqa kanchu. Mana pipis noqata qhawariwajqa kanchu.

⁵ Qanmanta qhaparikuyki Señor, niykitaj: Qan pakakunay kanki, tukuy kapuyneyqa qanlla kanki.

⁶ Qhaparikususqayta allinta uyariway, imaraykuchus mana kallpayoj kashani. Qhatiykachawajkunamanta libraway, imaraykuchus noqamanta aswan kallpayoj kanku.

⁷ Preso kasqaymanta orqhoway, noqa yupaychasuyta atinaypaj. Cheqan sonqoyoj runas muyuykuwanqanku, allimpi qan jap'iwajtiyki.