Salmos 14 - Qheshwa Biblia DC

Runaj sajra kaynin

¹ Wampoqa sonqompi nin: Mana Dios kanchu, nispa. Tukuy sajra kausayman qokunku, may millaykunata ruwanku, manaña kanchu allinta ruwajkunaqa!

² Cielomantapacha Señorqa runasta qhawamun, ujllatapis sumaj yuyayniyoj Diosta mask'aj runata rikunampaj.

³ Tukuytaj sajra ñanta jap'inku, tukuy runas sajra kausayman qokunku, mana pipis allinta ruwaj kanchu, mana ujsitullapis kanchu.

⁴ Sajra runasqa mana yuyayniyojchu kanku. Paykunaqa aylluyta t'antaqa jina mikhukapunku. Mana Señorpa sutintaqa oqharillankupischu.

⁵ Paykuna manchachikuspa kharkatenqanku, imaraykuchus Diosqa payta kasojkunawan kashan.

⁶ Sajra runasqa wajchu runaspa yuyasqankumanta asikunku. Señortaj wajcha runasman kutikun.

⁷ Sión llajtamantapis, Israelpaj salvacionqa chayamunman, Señor apasqa runasninta kutichimojtin, Jacobpa mirayninmanta kajkuna, israelitas tukuyninku kusikonqanku.