Salmos 137 - Qheshwa Biblia DC

Babilonia mayus qayllapi

¹ Babilonia mayus qayllapi tiyaykukuspa, Sionmanta yuyarikuspa waqaj kayku.

² Chaypi kaj sauce sach'asman, arpasniykuta warkhoj kayku.

³ Jaqaypi mayqenkunachus presosta apawarqayku, mayqenkunachus tukuy imata qhechuwarqayku, chaykunaqa niwarqayku kusisqas takinaykuta; Sionmanta takiykunasta takinaykuta.

⁴ Imaynatataj Señorpa takiykunasninta waj llajtapi takiykuman karqari?

⁵ Jerusalén, qanmantachus qonqapuyman chayqa, paña makiy ch'akichun!

⁶ Ukhu simiyman qalluy k'askaykuchun qanmanta mana yuyarikuyman chayqa; mana qanmanta kusikuyman chayqa tukuy imamanta astawan.

⁷ Señor edomitasmanta yuyarikuy. Paykunaqa Jerusalén urmashajtin nerqanku: Thuñiychej thuñiychej cimientosninkama.

⁸ Qan Babilonia, thuñisqapuni kanki, kusikuyniyoj kanqa pichus qanta urmachisojqa, imaynatachus ruwawasqaykiman jina.

⁹ Kusikuyniyoj kanqa pichus wawasniykita jap'ispa, uj chhankaman ch'allpajqa.