Salmos 136 - Qheshwa Biblia DC

Señorpa khuyakuynenqa wiñaypajmin

¹ Señorman graciasta qoychej, k'acha kasqanrayku, khuyakuynin wiñaypaj kasqanrayku.

² Graciasta qoychej dioskunaj Diosninman, khuyakuynin wiñaypaj kasqanrayku.

³ Graciasta qoychej señorkunaj Señorninman, khuyakuynin wiñaypaj kasqanrayku.

⁴ May sumajkunata ruwajllapaj, khuyakuynin wiñaypaj kasqanrayku.

⁵ Sumaj yachaywan janaj pachata ruwajman, khuyakuynin wiñaypaj kasqanrayku.

⁶ Yaku patapi jallp'ata sayachejman, khuyakuynin wiñaypaj kasqanrayku;

⁷ intita killatapis ruwajman, khuyakuynin wiñaypaj kasqanrayku;

⁸ intita p'unchaypi k'anchanampaj ruwajman, khuyakuynin wiñaypaj kasqanrayku;

⁹ killata, ch'askasta, tuta kanchanampaj ruwajman, khuyakuynin wiñaypaj kasqanrayku;

¹⁰ Egiptopi tukuy kuraj wawasninkuta wañuchejman, khuyakuynin wiñaypaj kasqanrayku;

¹¹ Egiptomanta israelitasta orqhojman, khuyakuynin wiñaypaj kasqanrayku;

¹² atiyniyoj makinta aysarerqa, khuyakuynin wiñaypaj kasqanrayku;

¹³ Puka mar qochata iskayman khallajman, khuyakuynin wiñaypaj kasqanrayku;

¹⁴ chay qocha chaupinta Israel nacionta chimpachejman, khuyakuynin wiñaypaj kasqanrayku;

¹⁵ Faraonta soldadosnintawan Puka mar qochaman chinkachejman, khuyakuynin wiñaypaj kasqanrayku;

¹⁶ ch'in pampanejta ayllunta pusajman, khuyakuynin wiñaypaj kasqanrayku;

¹⁷ mentasqa reyesta seq'ojman, khuyakuynin wiñaypaj kasqanrayku;

¹⁸ atiyniyoj reyesta wañuchejman, khuyakuynin wiñaypaj kasqanrayku;

¹⁹ amorreospa reyninku Sehonta, khuyakuynin wiñaypaj kasqanrayku;

²⁰ Basán naciompa reynin Ogta, khuyakuynin wiñaypaj kasqanrayku;

²¹ chay reykunaj jallp'asninkuta ayllunman rak'irajman, khuyakuynin wiñaypaj kasqanrayku;

²² Israel kamachinman chayaqenta jina qopojman, khuyakuynin wiñaypaj kasqanrayku;

²³ ñak'arisqa kashajtinchej khuyarikojman, khuyakuynin wiñaypaj kasqanrayku;

²⁴ enemigosninchejmanta librawajninchejman, khuyakuynin wiñaypaj kasqanrayku;

²⁵ runasman uywasmampis mikhuchejman, khuyakuynin wiñaypaj kasqanrayku;

²⁶ janaj pachapi kaj Diosman graciasta qoychej, khuyakuynin wiñaypaj kasqanrayku.