Salmos 132 - Qheshwa Biblia DC

Davidman Diospa nisqasnin

¹ Señor, Davidmanta yuyarikuy, ñak'arisqanmantawan.

² Yuyarikuytaj juramemtota ruwasusqanmanta, Jacobpa Atiyniyoj Diosninman nisqanmanta.

³ Mana wasiyman yaykusajchu, nitaj puñojpis siriykusajchu.

⁴ Mana ñawisniyta wisq'asajchu, nitaj puñuyta ch'utasajchu,

⁵ Señorpaj wasita tarinaykama, Jacobpaj Tukuy Atiyniyoj Diosnimpaj.

⁶ Efrata jallp'api trato cajonmanta uyarerqayku, Jaar jallp'as pitaj tarerqayku.

⁷ Jaku rina maypichus Dios tiyakun chayman, chakisninmantaj qonqorikunachej.

⁸ Sayarikuy Señor, orqoman jamuy samarikoj, atiyniyoj trato cajonniykiwan khuska.

⁹ Sacerdotesniykeqa k'acha kaywan p'achallikuchunku qanta qhatisojkunataj kusikuchunku.

¹⁰ Kamachiyki Davidrayku, ama rey ajllasqaykita qhesachaychu.

¹¹ Señorqa Davidman uj jatun juramentota ruwarqa; chay juramentotaqa mana p'akenqachu.

¹² Mirayniykimanta ujninta tiyanaykiman churasaj. Sichus wawasniyki tratota junt'anqanku, kamachisqasniytapis ruwanqanku chayqa, paykunaj wawasninkupis tiyanaykipi wiñaypaj tiyanqanku.

¹³ Señorqa Sión orqota ajllakorqa; chaypi tiyakunampaj ajllakorqa.

¹⁴ Kaymin chay wiñaypaj samakunay orqoqa. Kaypi tiyakusaj, imaraykuchus ajinata munarqani.

¹⁵ Mikhunasninta mayta bendicisaj, wajcha runasnintapis sajsachisaj.

¹⁶ Sacerdotesninta salvacionwan p'achallichisaj. Diosta qhatejkunataj kusikuywan qhaparenqanku.

¹⁷ Chaypi Davidpa atiyninta kausarichipusaj. Wakichipuniña uj lamparata ajllasqay reypaj.

¹⁸ Enemigosninta p'enqaywan junt'achisaj, paytataj k'anchaywan junt'achisaj.