Salmos 130 - Qheshwa Biblia DC

Señorpi suyana

¹ Ukhu laqhamantapacha, qanta qhaparikamuyki, Señor.

² Señor, parlasqayta uyariy, qhaparispa mañakusqasuyta uyarillaway.

³ Señor, Señor, juchasniykuta qhawawaj chayqa, pitaj ñaupaqeykipi sayayta atinmanri?

⁴ Qampi perdonta tariyku; chayrayku yupaychasuyku.

⁵ Tukuy sonqoywan Señorpi suyakuni; parlasqampi suyakuni.

⁶ Noqa Señorta suyani, qhawasiris sut'iyananta suyasqankumanta astawan.

⁷ Imaynatachus qhawasiris sut'iyamunanta suyanku, ajinata Israelqa Señorta suyan. Paypi munakuy, salvaciompis tiyan.

⁸ Pay Israelta libranqa tukuy juchasninmanta.