Salmos 129 - Qheshwa Biblia DC

Señorqa Israelpa enemigosninta chinkachin

¹ Wayna kasqaymantapacha ashkhata llakichiwanku, Kunan chayta Israelqa nichun.

² Wayna kasqaymantapacha ashkhata llakichiwanku, manataj atipayta atiwankuchu.

³ Wasaypi seq'owaspa k'iriwanku, larq'a larq'allata ruwawanku.

⁴ Señorqa cheqampuni, juchasapaspa atipanawankumanta librawan.

⁵ Siompa tukuy enemigosnin p'enqaypi rikhurichunku, qhepamantaj ayqechunku.

⁶ Wasis patapi wiñaj qhora jina kachunku, manaraj allinta wiñashaspa ch'akipun ajina.

⁷ Chayta ruthojqa makinman mana junt'achiyta atinchu, nitaj gavillasta marq'anampaj jinachu.

⁸ Pasajkunapis chayta rikuspa mana ninkuchu: Señor chaytaqa bendiciykun, nispa. Noqayku Señorpa sutimpi, qankunata bendiciyku.