Salmos 128 - Qheshwa Biblia DC

Señorpa bendicionnin

¹ Kusikuyniyojmin kanku tukuy runas Diosta kasojkunaqa, kamachisqasnintataj ruwajkunaqa.

² Llank'aspa poqochisqaykimanta mikhunki, tukuy imapi allin risonqa, kusisqataj kanki.

³ Wasiykipi warmiykeqa ashkha poqoyniyoj uvas sach'a jina kanqa. Wawasniykitaj mikhunapaj muyulla tiyasqas kanqanku, mosoj olivo sach'as jina.

⁴ Ajinata Señorqa payta yupaychaj runata bendicenqa.

⁵ Señorqa Sionmantapacha bendicisuchun, Jerusalempa allin kayninta rikunaykipa, sapa p'unchay kausayniyki tukukunankama.

⁶ Allchhisniykitataj rikunki. Allin kaylla Israelpi kachun.