Salmos 127 - Qheshwa Biblia DC

Tukuy imapis Diosmanta jamun

¹ Manachus Señorninchej wasinta ruwan chayqa, qhasillata wasichajkunaqa llank'anku. Manachus Señor llajtata jark'anqa chayqa, qhasillata qhawajkunaqa qhawanku.

² Qhasillata inti llojsimusqanmanta, yaykupunankama llank'asunman, jump'iywan ganasqa t'antatatajpis mikhusunman, imaraykuchus munakusqasninman kusiyta qon.

³ Wawasninchejqa Señormanta regalo kanku, Señorpa bendicionnin kanku.

⁴ Wayna kashaspallaraj wawasniyoj kayqa, wapu maqanakojpa makimpi flechas jinamin kanku.

⁵ Kusisqa chay runaqa, flechas jina ashkha wawasniyojqa. Payqa enemigosninwan churanakushaspa juecespa ñaupaqempi, mana p'enqaypichu rikhurenqa.