Salmos 126 - Qheshwa Biblia DCKutimunapaj takina [Wichayta rishaspa takiy.] 1 Siompi tiyakojkunamanta apasqa kajkunamanta Señor kutichimushajtin, uj mosqoy jina karqa. 2 Chaypacha simiykoqa jatunmanta asikorqa, kusiywantaj jatunmanta takerqayku. Chaypacha Diospi mana creejkuna nerqanku: Señorqa paykunapaj jatuchaj imasta ruwarqa, nispa. 3 Arí, Señorqa noqanchejpaj jatuchaj imasta ruwarqa, maytataj kusikorqayku. 4 Señor, waj llajtaman apasqa kasqaykumanta kutirichiwayku, imaynatachus ch'aki pampapis parawan kutirin jinata. 5 Waqaspa tarpojkunaqa, kusiywan cosechata oqharenqanku. 6 Waqaspapis mujutaqa apachunku, kusisqas takispa, trigo ruthusqankuta marq'arisqas kutimonqanku. |
Qheshwa Biblia DC © Sociedades Bíblicas Unidas, 1986.
United Bible Societies