Salmos 122 - Qheshwa Biblia DC

Jerusalenta napaykuspa

¹ Jaku rina Diospa wasinman niwajtinku, kusikorqani.

² Jerusalén, jatun llajta, punkusniyki ukhupiña kayku.

³ Jerusalenqa allin sayachisqa llajta tukuy aylluta tantanampaj jina.

⁴ Chaymantaj Señorpa ayllusnin chayanku sutinta yupaychanankupaj, Israelman kamachisqanman jina.

⁵ Chaypi kanku justiciata ruwanankupaj tiyanas, Davidpa wasinmanta kajkuna.

⁶ Jerusalempaj mañaychej sonqo tiyasqa kanampaj, qanta munakusojkunataqa allin richun.

⁷ Perqasniyki ukhupi sonqo tiyakuy kachun, palacioyki ukhupitaj allin kay kachun.

⁸ Kunantaj wauqesniyrayku, kausaqesniyrayku, nisaj: Sonqo tiyasqa kausayqa qanwampuni kachun.

⁹ Señor Diosninchejpa wasinrayku, allin risunampaj mañasaj.