Salmos 121 - Qheshwa Biblia DC

Señorqa waqaychasojniyki

¹ Orqosta qhawarispa sonqoypi nini: Maymantataj yanapay jamuwanqari?

² Yanapayqa Señormanta jamonqa, kay pachata janaj pachatawan ruwajmanta.

³ Payqa mana urmajta saqesonqachu, waqaychasojtaj mana jayk'aj puñonqachu.

⁴ Israelta waqaychajqa mana puñuywan k'aywinchu, nitaj puñuykapunchu.

⁵ Señormin waqaychasojniykeqa, paytaj paña makinwan jark'asunki.

⁶ P'unchaypi inteqa mana imanasonqachu, nitaj tutapi killapis.

⁷ Señor jark'asonqa mana allin kajmanta, paytaj kausayniykita waqaychanqa.

⁸ Llojsejtiyki, yaykojtiykipis Señor qhawasonqa, kunanmanta wiñayninkamapis.