Salmos 114 - Qheshwa Biblia DC

Egipto llajtamanta llojsimusqasta yuyarispa

¹ Jayk'ajchus Israel, Jacobpa miraynin, chay karu llajta Egiptomanta llojserqa chaypacha;

² Judá jallp'aqa Señorpa santo wasinman tukorqa. Israeltaj paypa kamachinman tukorqa.

³ Mar qochaqa Israelta rikuspa ayqerqa, Jordán mayupis qhepaman kutirerqa.

⁴ Orqosqa carnero jina phinkiykacharqanku. Lomasqa oveja uñas jina phinkiykacharqanku.

⁵ Imajtintaj qan, mar qocha, ayqerqankiri? Imajtintaj qan, Jordán mayu, qhepaman kutirerqankiri?

⁶ Imajtintaj qankuna, orqos, carnero jina phinkiykacharqankichejri? Imajtintaj qankuna, lomas, oveja uñas jina phinkiykacharqankichejri?

⁷ Qan, jallp'a, kharkatiy, Jacobpa Diosnin Señorpa ñaupaqempi.

⁸ Pay chhanka orqosta qochaman tukuchin. Pay chhanka orqosta juturisman tukuchin.