Salmos 113 - Qheshwa Biblia DC

Diosta k'acha kayninmanta yupaychana

¹ Yupaychasqa kachun Señorqa! Señorpa kamachisnin paypa sutinta yupaychaychej.

² Kunanmanta wiñaypaj Señorpa sutenqa yupaychasqa kachun.

³ Inti llojsimuynejmanta, inti yaykuynejkama, Señorpa sutenqa yupaychasqa kachun.

⁴ Señorqa tukuy naciones patapi kashan, atiynenqa janaj pacha patapi kashan.

⁵ Señor Diosninchej jinaqa mana pipis kanchu; payqa janaj pachapi kamachin.

⁶ Chaywampis k'umuykamun, janaj pachata kay pachatapis qhawarimunampaj.

⁷ Señorqa wajchata pampamanta aysarin, wajchataqa q'opaman wijch'usqamanta oqharin.

⁸ Kuraj runaswan tiyaykuchinampaj, ayllunmanta kuraj runaswan khuskata.

⁹ Mana wawasniyoj warmiman wawasta qon. Mamata wawasnintawan kusisqata tiyachin. Señorqa yupaychasqa kachun!