Salmos 112 - Qheshwa Biblia DC

Señorta manchachikojpa kusikuynin

¹ Señorqa yupaychasqa kachun! Kusikuyniyojmin Señorta kasukoj runaqa, kamachisqasnintataj kasukojqa.

² K'acha runaj miraynenqa kay pachapi atiyniyoj kanqa. Cheqan miraynenqa bendicisqa kanqa.

³ Wasimpeqa tukuy imasniyojmin, k'acha kaynenqa mana tukukuyniyojmin.

⁴ Laqhapi k'anchay jina, k'acha sonqoyojkunapaj lliphipin, khuyakoj, cheqan sonqo, llamp'u sonqotaj.

⁵ Allin sonqoyoj runaqa khuyakun, mañarintaj; tukuy imasnintapis allinmampuni apan.

⁶ Chayrayku, ni jayk'ajpis urmanqachu. Wiñaypaj yuyarisqapuni kanqa cheqan sonqoyoj runaqa.

⁷ Mana allin kaj willaykunasmantaqa mana manchachikunchu, tukuy sonqonwan Señorpi atienekuspa suyan.

⁸ Sonqonqa sinch'ita sayan, mana manchachikunchu, enemigosnintataj kusipayaspa qhawan.

⁹ Wajchasman kapuyninmanta qorin, k'acha kaynenqa kallampuni. Mana p'enqakuspa umanta oqharin.

¹⁰ Juchasapaqa chayta rikuspa phiñakun; mana imanayta atispa, kirusninta k'arurakuspa tukukonqa. Jinapi sajra runaspa suyasqankoqa tukukonqa.