Salmos 111 - Qheshwa Biblia DC

Diospa ruwasqasninmanta llakiy

¹ Yupaychasqa kachun Señorqa. Tukuy sonqoywan Diosta yupaychasaj. K'acha runaspa tantakuyninkupi, tukuy ayllumpa ñaupaqempi.

² Señorpa ruwasqasnenqa jatuchaj kanku. Pikunachus yachayta munajkunaqa astawan munanku.

³ Manchay k'achamin sumaj ruwasqasnenqa, justiciantaj wiñaypaj sayan.

⁴ Señorpa sumaj ruwasqasnenqa mana qonqanapaj jina. Señorqa llamp'u sonqo khuyakuyniyojtaj.

⁵ Payta kasukojkunaman mikhunata qon, tratota ruwasqanmantapis yuyarikumpuni.

⁶ Ruwasqasnimpi atiyninta ayllunman rikucherqa, Diospi mana creejkunaj jallp'ankuta paykunaman qospa.

⁷ Paypa ruwasqasnenqa allinmin, cheqantaj. Paypa kamachikusqasnenqa cheqampuni,

⁸ imaraykuchus wiñaykama sinch'i kanku, kay kamachisqaqa sut'i, cheqan ruwasqastaj kanku.

⁹ Pay llajtanta kacharicherqa, trato ruwasqantataj wiñaypaj sayacherqa. Diosninchejqa santo Dios, manchachikunataj.

¹⁰ Yachaypa qallarikuynenqa, Señorta manchachikuymin. Kamachisqasninta waqaychajkunaqa, sumaj yuyayniyoj kanku. Diosninchejtaj wiñaypaj yupaychasqapuni kanqa!