Salmos 110 - Qheshwa Biblia DC

Reyta Señor kallpachachun

¹ Señorqa señorniyman nerqa: Pañaynejpi tiyakuy, enemigosniykita chakisniyki uraman churanaykama.

² Sionmantapacha Señorqa qosonqa, uj kamachina varata rikuchinawaykipaj atiyniykita. Atipay ari enemigosniykita!

³ Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

⁴ Señorqa uj juramentota ruwarqa, manataj nisqanta p'akenqachu. Qan wiñaypaj sacerdote kanki, Melquisedecpa t'aqanman jina.

⁵ Señorqa paña makiykipi kashan. Phiñakuynin p'unchaypi reykunata chinkachenqa.

⁶ Nacionesta juchachanqa, ayaswantaj junt'achenqa, kay pachapi tukuy kurajkunatataj ñak'anqa.

⁷ Ñampi yakuta uj mayumanta ujyanqa, chaywantaj kallpachasqa kanqa.