Salmos 11 - Qheshwa Biblia DC

Señorqa cheqan ruwaj

¹ Pakakuyta munaspaqa Señorman rini. Imaraykutaj niwankuri: Orqosman p'isqo jina ayqey, nispa?

² Sajra runasqa flechata arcoman churanku; arcota aysarinku, pakayllamantataj cheqan sonqoyojkunaman flechasta wijch'unku.

³ Rumi cimientos urmajtinri, imatataj cheqan sonqoyoj runa ruwayta atinmanri?

⁴ Santo wasimpi Señorqa kashan, Paypa tiyananqa cielopi, allinta ñawisninta kicharispa, sumajta runasta qhawan.

⁵ Señorqa k'acha runasta, sajra runastapis rikushan, chejnikuntaj tukuy sonqo, sajra kajta munajkunata.

⁶ Payqa sajra runaspa patanman parachimonqa, azufreyoj nina k'ajayta; wayrachenqataj tukuyninta ruphanampaj. Señorqa sajra kayninkuman jina paykunata jasut'enqa.

⁷ Señorqa cheqan sonqo, cheqan kajtataj munakun. Chayrayku, cheqan sonqoyojkunaqa paypa uyanta rikonqanku.