Salmos 108 - Qheshwa Biblia DC

Enemigota atipaspa takina

¹ Diosníy, sonqoyqa wakichisqa kashan, takiykunata takipunasuypaj. Chaymin kusikuyneyqa.

² Cuerdasniyoj tocana arpaspis rijch'ariychej, noqataj sut'iyamojta rijch'arichisaj.

³ Señor, runas ukhupi jatunchasqayki, tukuy runas ukhupitaj qanman takisqayki.

⁴ Khuyakuyniykeqa janaj pachamantapis aswan jatun. Cheqa kasqaykitaj patakama chayan.

⁵ Diosníy, janaj pachamanta aswan patapi kanki. Atiyniykiwantaj kay pachaqa junt'a kashan.

⁶ Diosníy, salvawayku atiyniykiwan munasqasniyki librasqas kanankupaj. Kutichipuwayku.

⁷ Diosninchej santo wasimantapacha nin: Sucot valletataj rak'irasaj.

⁸ Noqajtamin kunan Galaadpis, Manasespis, Efraintaj umayta jark'aj monteray. Judataj kamachinay vara.

⁹ Moabqa mayllakunay ch'illami jina. Edommantaj ojot'ayta wijch'usaj, filisteosta atipasqaymantataj qhaparisaj.

¹⁰ Pitaj perqasqa llajtaman pusawanqa? Pitaj Edomman chayachiwanqari?

¹¹ Qan, Diosníy, cheqamanta qhesachawarqanki, manañataj soldadosniykuwan llojsinkiñachu.

¹² Diosníy, enemigoykoj contrampi yanapawayku. Runaj yanapaynenqa yanqhallamin.

¹³ Diospa yanapayninwan jatuchaj imasta ruwasunchej, Paymin enemigosninchejta saruranqa.