Salmos 100 - Qheshwa Biblia DC

Kusisqa takina Señorman

¹ Kusikuywan Señorman takiychej, tukuy kay pachapi tiyakojkuna.

² Kusiywan Señorpa nisqanta junt'aychej. Kusiy takiykunawan payman qayllaykuychej.

³ Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

⁴ Punkunta yaykuychej agradecespa, patiosninmantaj takispa. Payta yupaychaychej, sutintataj jatunchaychej.

⁵ Señorqa may k'achamin, khuyakuynenqa wiñaypaj. Cheqa kaynintaj mana tukukuyniyoj tukuy runa mitapaj.